Ыдыктыг черлеринче болгаш көдээ аалче экскурсия

Бөгүн, октябрь 30-де, Кызыл-Мажалыктың ^1 ортумак школазының янзы-бүрү учёттарда турар уруглары-биле корум-чурум талазы-биле инспектору Хертек А.С. кожуун иштинге ыдыктыг черлеринче болгаш көдээ аалче экскурсияны эрттирген.
Экскурсияның сорулгазы: Уругларны төрээн черинге ынак, чоннуң чаагай чаңчылдарын сагып, утпазын суртаалдаар база күш-ажылга, биче сеткилге, мөзүлүг аажы-чаңга кижизидери болур. Ниитизи-биле 10 өөреникчи келген (2-зи аарый бергени-биле дилеп алган, грипп). Экскурсия үезинде уруглар сагыш-сеткилинден дыштанып, Кижи-Көжээге сүзүглеп, тейлеп алганнар. Кыштагга баргаш малчыннарның чымыштыг ажыл-ижинге дузалажып, кажаа кырынче сиген, кара өдек дажып дуглашканнар. Уруглар көрзең сөөртүп, аяк-сава чугжуп, өг иштин аштажып бергеннер. Өгнүң ээлери четтиргенин илередип изиг сүттүг шайы, аъш-чеми-биле шайлаткан. Кыштагдан бадып ора Суглуг-Ой аржаанын чалап алганнар. 1 ада-ие база уруглары-биле кады чораан.